Қозоғистон Республикаси Президенти ҳузуридаги Қозоғистон стратегик тадқиқотлар институти бош илмий ходими Ирина Черних Нурсултон Назарбоевнинг Ўзбекистонга давлат ташрифидан қандай хулосалар чиқариш мумкинлиги ҳақида гапирди, деб ёзади «Казинформ».
«Президентнинг ушбу ташрифи мамлакатларимиз ўртасидаги муносабатларнинг нафақат кенгайгани, балки уларнинг чуқурлашганидан ҳам дарак беради — 2013 йилда стратегик алоқа сифатида мустаҳкамланган ҳамкорлигимиз техник даражага — вазирлик ва идораларнинг, чегарадош ҳудудларнинг ва алоҳида хўжалик юритувчи субъектларнинг ҳамкорлиги даражасига чиқмоқда. Бунда чегарага туташ ҳудудлар ҳамкорлигининг ривожланиши ҳам аҳамиятга молик. Шу тариқа жадал ҳамкорлик нафақат марказий даражада, балки мамлакатларимизнинг чегарадош вилоятлари ўртасида ҳам ривожланишни бошлайди. Сирдарё вилояти ва Жанубий Қозоғистон вилояти ҳокимликлари, Тошкент вилояти ва Жанубий Қозоғистон вилояти ҳокимликлари, Навоий вилояти ва Қизилўрда вилояти ҳокимликлари ўртасида савдо-иқтисодий ва маданий-гуманитар соҳалардаги ҳамкорлик тўғрисида меморандумлар имзоланди», — деди у.
Изоҳ (0)