16 сентябрь, шанба куни Тошкент шаҳар божхона бошқармасида тадбиркорлар билан очиқ мулоқот бўлиб ўтди. Бу ҳақда Давлат божхона қўмитаси ахборот хизмати хабар бермоқда.
Очиқ мулоқотда Тошкент шаҳар ҳокимлиги, Адлия бошқармаси, Савдо-саноат палатаси Тошкент шаҳар бошқармалари, Марказий банк ва Ташқи иқтисодий фаолият миллий банки, «Ўзбекистон темир йўллари» АЖ Тошкент минтақавий темир йўл узели, Ўзбекистон автомобиль ва дарё агентлиги шаҳар бошқармаси, «Ўзбекэкспертиза» АЖ, Ўзбекистон Республикаси Табиатни муҳофаза қилиш давлат қўмитаси, Тошкент шаҳар Давлат солиқ бошқармасининг масъул ходимлари ҳамда оммавий ахборот воситалари вакиллари иштирок этди.
«Давлат божхона қўмитаси раҳбарияти томонидан кичик бизнес ва хусусий тадбиркорликни ишончли ҳимоя қилишни таъминлаш мақсадида Республика бўйлаб сайёр қабул ва учрашувлар ташкил этилмоқда. Бу ўз навбатида тадбиркорлик субъектлари фаолияти давомида юзага келаётган муаммо, таклиф ҳамда саволлар юзасидан бевосита мурожаат қилиш имконини беради», — дейилади хабарда.
Изоҳ (0)