15 сентябрь куни БАА миллий чемпионати старт олди. Унда Ўзбекистон миллий терма жамоасининг икки аъзоси — Сардор Рашидов ҳамда Азиз Ҳайдаров ҳаракат қилади.
Дастлабки турдаёқ ҳар икки футболчи тўп сурадиган клублар ўзаро тўқнаш келди. Рашидовни Қатарнинг «Ал-Жаиш» клубидан олиб келган «Ал-Жазира», Азиз Ҳайдаровни «Аш-Шабаб»дан кейин олган «Ажман»ни қабул қилиб, 2:1 ҳисобида зафар қучди.
Учрашувда Сардор Рашидов тўлиқ ўйнади. У билан биргаликда Ласанна Диарра, Муборак Буссуфа, Ромариньо каби машҳур легионерлар ҳаракат қилди. Шунингдек, БАА термасининг икки асосий ҳужумчиси — Али Мабҳут ва Аҳмад Ҳалил майдонга тушди.
Азиз Ҳайдаров эса учрашувнинг 46-дақиқасига келиб майдонда кўриниш берди.
БАА чемпионати 1-тур ўйини 15 сентябрь, жума
«Ал-Жазира» — «Ажман» 2:1
Голлар: Али Мабҳут, 16 (1:0). Волид Холид, 62 (1:1). Ромариньо, 80 (2:1).
«Ал-Жазира» 6 декабрь куни старт оладиган клублар ўртасидаги Жаҳон Чемпионатида иштирок этади. Мазкур мусобақага Европа Чемпионлар Лигасининг амалдаги ғолиби сифатида Мадриднинг «Реал» клуби ҳам келади.
Изоҳ (0)