Миср апелляция суди Қатар фойдасига жосусликда айбланиб, умрбод қамоқ жазоси чиқарилган собиқ президент Муҳаммад Мурсийга нисбатан ҳукмни ўзгаришсиз қолдирди. Бу ҳақда «ТАСС» хабар бермоқда.
Суд Мурсий томонидан берилган апелляцияни қондирмади ва мамлакатда 25 йилга тенг бўлган умрбод қамоқ жазоси ҳақидаги ҳукмни тасдиқлади.
Мазкур иш бўйича айбланган «Мусулмон биродарлар» уюшмасининг уч нафар аъзосига чиқарилган олий жазо ҳақидаги ҳукм ҳам ўзгаришсиз қолди. Суд қарори тасдиқ учун мамлакат муфтийсига етказилди.
Қатар фойдасига жосусликда жами 11 киши айбланганди. Суд жараёни 1,5 йил давом этди ва ушбу вақт мобайнида 100 га яқин йиғилиш ўтказилди.
Изоҳ (0)