Лондон метросидаги теракт, Ироқ ҳарбийлари қўлига тушган ўзбекистонлик аёллар, ЖЧ-2018 чипталари нархи ва куннинг бошқа муҳим хабарлари

15-семтабрнинг эътиборга молик янгиликлари — «Дарё»нинг кечки дайжестида.

1. Лондон метросида портлаш юз берди. Портлаш теракт сифатида баҳоланди.

2. ИШИД жангариларининг қарийб 400 нафар хотинлари Ироқ ҳарбийлари қўлига тушди, улар орасида ўзбекистонликлар ҳам бор. Аёллар ҳозир «Хамам Эли» лагерида тутиб турилибди. Ироқ ҳукумати уларнинг ИШИД билан алоқасини ўрганмоқда.

3. ЖЧ—2018 чипталари қанча туради? ФИФА мундиал ўйинларига кириш нархларини очиқлади. ФИФА бунда чипталарни 4 та категорияга бўлиб чиққан.

4. NHK: Шимолий Корея Японияга қарата ракета учирди. Жанубий Корея президенти КХДРнинг янги гиж-гижлашларига жавобан, уни бутунлай йўқ қилиб ташлаш билан таҳдид қилди.

5. Эксперт: Қирғизистон ерларининг Ўзбекистонга берилиши ҳақидаги провокациялар террорчилар фойдасига ишлайди. Маълум бўлишича, WhatsApp мессенжери орқали Алмазбек Атамбаев томонидан Қирғизистон ерлари Ўзбекистонга берилгани ҳақида хабарлар тарқалмоқда. Гўёки бунинг эвазига Ўзбекистон Президенти Шавкат Мирзиёев Қирғизистонда истиқомат қилувчи ўзбекларни Атамбаевга керакли номзодлардан бирига овоз беришга чақиради.