Ҳар мавсумда сиз кийимларингизнинг камида ярмини ўз шаклини йўқотгани учун алмаштиришга мажбур бўляпсизми? Кийим шкафидаги жойлардан тўғри фойдаланаётганингизни текшириб кўринг. Бунда сизга биз тўплаган баъзи маслаҳатлар ёрдам беради.
Кийим осгичларни тўғри танланг
Ипак кўйлагингизга кенг ёғоч кийимосгич мос келадими ёки йўқми деб ҳеч ўйлаб кўрганмисиз? Унутманг: яхшиси поролон ёки юмшоқ мато ўралган кийим осгичлардан фойдаланинг. Ва ўлчамини тўғри танланг: кийим осгични елкангизга ўлчаб кўринг ва енгига халақит бермаётганига ишонч ҳосил қилинг.Оёқ кийимларни махсус қутиларда сақланг
Оёқ кийимларни ўзининг дўкондан олиб келинган қутиларида сақламанг. Картон қоғоз деярли ҳаво ўтказмайди, шунинг учун нохуш ҳидларни тўплайди. Ҳаво айланиши учун тешикчалар қўйилган махсус пластик идишлар сотиб олинг ёки дарахт шохларидан тўқилган табиий материалларни танланг. Қайси пойабзал қаерда турганини эсдан чиқармаслик учун қути устига расми туширилган қоғозча ёпиштириб қўйинг.Буюмларни рангига қараб жойлаштиринг
Яхшиси буюмларни рангига ва материалига қараб жойлаштириш қоидасига амал қилинг. Ипак кийимни акрил ва полиэстер билан бирга, қизил свитерни эса оқиш рангли шим ва топлар билан бир жойга қўйманг. Кийим қаватлари орасига оддий пергамент қоғози қўйиш мумкин, у унча кўп жой олмайди, кийимлар эса ғижим бўлмайди ва ранги ҳам бир-бирига ўтиб қолмайди.Махсус қутилар ва идишлар олинг
Кийим-кечаклар ҳақида унутманг! Сумкалар учун махсус қутилар ва бош кийимлари учун тагликлар олинг. Шунда шляпалар ўз шаклини сақлаб қолади, сумкалар эса бошқа нарсаларга ишқаланмайди, бу унинг чеккалари ейилишидан анча ҳимоя қилади.Манба: «Passion.ru»
Изоҳ (0)