Россия Премьер-Лигасининг 9-турига келиб ўзбекистонлик Вагиз Галиулин мавсумдаги иккинчи голини уришга муваффақ бўлди.
У тўп сурадиган «Тосно» клуби ўз майдонида Маҳачқалъанинг «Анжи»сини қабул қилди ва 2:2 ҳисобида дуранг ўйнади. Галиулин ҳисобда ортда бораётган жамоасини мағлубиятдан қутқариб қолди.
Бунга қадар Вагиз 4-турда «Арсенал» дарвозасини ишғол қилган бўлиб, ўша гол «Тосно»нинг мавсумдаги илк муваффақияти бўлганди. Ўзбекистон миллий терма жамоасининг собиқ бош мураббийи Самвел Бабаян Галиулинни йиғинларга жалб қилмаганди.
«Ростов» ҳам 2:2 ҳисобида дуранг ўйнади. Бош мураббий Леонид Кучук айнан Самвел Бабаян қистови билан трансфер қилинган Элдор Шомуродовни майдонга туширмасликка қарор қилди.
Бугун — 10 сентябрь куни Ўзбекистон миллий терма жамоасининг яна икки футболчиси — Виталий Денисов ва Вадим Афонин тўп сурадиган «Локомотив» ҳамда «Краснодар» клублари ўз учрашувларини ўтказади.
Россия Премьер-Лигаси 9-тур беллашувлари 9 сентябрь, шанба
«Тосно» — «Анжи» 2:2
Голлар: Евгений Марков, 5 (1:0). Александр Прудников, 18 (1:1). Олег Данченко, 25 (1:2). Вагиз Галиулин, 63 (2:2).«Ростов» — «Арсенал» 2:2
Голлар: Артур Юсупов, 7 (1:0). Лука Жоржевич, 32 (1:1). Лука Жоржевич, 70 (1:2). Тимофей Калачев, 85-пен (2:2).10 сентябрь, якшанба«Уфа» — «Краснодар»«Ахмат» — «Локомотив»
Изоҳ (0)