Туркия яна бир нечта гаубица ва танкларни Сурия билан чегарага ташлади. Бу ҳақда «ТАСС» хабар бермоқда.
Hurriyet Daily News нашри маълумотларига кўра, Туркия чегаранинг қарама-қарши томонида курдларнинг «Халқ мудофаа кучлари» (YPG) назорати остидаги ҳудудлар жойлашган нуқталарни мустаҳкамламоқда.
Туркиянинг Килис шаҳрида гаубица ва танкларни олиб ўтаётган бир неча юк машиналаридан иборат ҳарбий карвон қайд этилган. Бундан аввал 5 августга қадар ҳарбий машиналар Сурия билан чегара зонасига олиб ўтилган эди.
Расмий Анқара YPG кучлари Курдистон ишчи партияси (КIP)нинг Суриядаги қаноти — «Демократик иттифоқ» фирқаси каби Туркияга қарши қуролли кураш олиб боради, деб ҳисоблайди. Шу сабабли, Туркияда YPG ҳам КIP каби террорчилик ташкилоти деб топилган.
Изоҳ (0)