Анголада сайлов участкалари очилди, энди фуқаролар уларда қарийб 40 йилдан буён биринчи марта янги президентни сайлаши мумкин. Бу ҳақда «Интерфакс» хабар бермоқда.
38 йил мобайнида мамлакатни Жозе Эдуарду душ Сантуш бошқариб келган эди. У жорий сайловда иштирок этмасликка қарор қилди.
Душ Сантуш ўз тарафдорларини ўзининг сафдоши — 63 ёшли мудофаа вазири ва ҳукмрон Халқ ҳаракати партияси вице-президенти Жоау Лоуренсуга овоз беришга чақирди.
Шу билан бирга, матбуотда билдирилишича, ушбу партия ғалаба қозонган тақдирда душ Сантуш амалда ҳокимиятни ўз қўлида сақлаб қолиши мумкин.
Изоҳ (0)