КХДР халқ армияси ҳарбий қўмондонлиги АҚШ ва Жанубий Кореяга ҳамкорликдаги Ulchi Freedom Guardian машғулотлари учун «бешафқат қасос» билан таҳдид қилди. Бу ҳақда Kyodo агентлиги манбаларига таяниб, «Коммерсантъ» хабар берди.
«Тўғри қарор қабул қилиш зарурлиги ҳақидаги огоҳлантиришимизни эътиборсиз қолдирганлари ва хавфли ҳарбий фитнани бошлаганларидан сўнг, улар бешафқат қасос ва жазодан қочиб қутулолмайди. Машғулотлар келтириб чиқарадиган ҳалокатли оқибатлар учун масъулият тўлиғича биз билан ҳарбий қарама-қаршилик йўлини танлаган АҚШ зиммасида», — таъкидлади Шимолий Корея ҳарбийлари.
Ulchi Freedom Guardian ҳарбий машғулотлари Жанубий Кореяда 21 август, душанба куни бошланди. Ҳар йили ўтказиладиган 11 кунлик машқларга 67,5 минг ҳарбий сафарбар этилган.
Изоҳ (0)