Norma нашри 6 дан 14 ёшгача бўлган болалар қандай харидларни амалга ошириши мумкинлиги, қандай харидлар эса улар учун қонун билан чекланганлигига аниқлик киритди.
Нашр таъкидлашича, 6 ёшдан кичик болалар умуман ҳеч қандай олди-сотдини амалга ошира олмайди, улар учун харидларни уларнинг номидан ота-онаси, асраб олувчиси ёки васийлари амалга ошириши мумкин.
6 дан 14 ёшгача бўлган болалар мустақил тарзда фақат қуйидаги харидларни амалга ошира олади:
- майда маиший харидлар;
- нотариал тасдиқни ёки давлат рўйхатидан ўтишни талаб қилмайдиган, беғараз даромад олишга қаратилган олди-сотдилар (масалан, ҳадя ва бепул фойдаланиш шартномалари);
- қонуний вакил ёки учинчи шахс томонидан маълум мақсадда ёки эркин сарф қилиш учун тақдим этилган маблағларни ишлатиш юзасидан харидлар.
Нашр таъкидлашича, болалар томонидан харидлар амалга оширилишининг чекланиши, аввало, бемулоҳаза ва беҳуда сарф-харажатлар рискини бартараф этиш мақсадидадир.
Изоҳ (0)