18 август куни Тошкент вилояти ҳуқуқни муҳофаза қилувчи органлари томонидан Ўзбекистон Республикаси Жиноят кодексининг 97-моддаси 2-қисми «а» ва «ж» бандларида (икки ёки ундан ортиқ шахсни ўта шафқатсизлик билан қасддан ўлдириш) назарда тутилган жиноятни содир этганликда гумон қилинувчи М.Мусаев ушланди. Бу ҳақда Тошкент вилояти прокуратураси хабар қилди.
Суд томонидан М.Мусаевга нисбатан қамоққа олиш тарзидаги эҳтиёт чораси қўлланилди.
Муқаддам жорий йилнинг 15 август куни вилоят прокуратураси томонидан Тошкент вилояти Зангиота тумани «Туробобод» маҳалласи Туркистон кўчаси 15-уйда М.Комилов (1938 йилда туғилган), Ш.Комилова (1951) ва Ш.Абдиеваларнинг (1967) қасддан ўлдирилганлиги ҳолати юзасидан жиноят иши қўзғатилган.
Жиноят иши бўйича М.Мусаевга нисбатан қидирув эълон қилинганди.
Жиноят мазкур маҳаллада ўрнатилган кузатув камераси орқали ёзиб олинган видеотасвир ёрдамида фош этилган. Тошкент вилояти прокуратураси ташаббуси билан ҳозирги кунда вилоят ҳудудида ҳуқуқбузарликларни олдини олиш ва жиноятчиликка қарши кураш фаолияти самарадорлигини ошириш мақсадида 10 мингдан зиёд видеокузатув мосламалари ўрнатилган.Ҳозирги вақтда жиноят иши бўйича дастлабки тергов ҳаракатлари вилоят прокуратурасининг ўта оғир жиноятларни тергов қилиш бўлими томонидан олиб борилмоқда.
Изоҳ (0)