Ислом Каримов номидаги «Тошкент» халқаро аэропортининг 1-рақамли учиш-қўниш йўлаги фойдаланишга топширилди

Ислом Каримов номидаги «Тошкент» халқаро аэропортида капитал таъмирлаш ишлари ўтказилганидан сўнг 1-рақамли учиш-қўниш йўлаги фойдаланишга топширилди. Бу ҳақда «Ўзбекистон ҳаво йўллари» МАК ахборот хизмати хабар берди.

Таъмирлаш ишлари давомида 50 минг квадрат метр келувчи асфальт қопламаси алмаштирилди. Шунингдек, нур сигнал берувчи қурилмани ўзгартириш бўйича ишлар бажарилди, сунъий учиш-қўниш йўлагининг янги ўқ чизиғи, қўниш ҳудудлари ва учиш-қўниш йўлагига кириш чироқлари ўрнатилди.

Қайд этилишича, янги 1-рақамли сунъий учиш-қўниш йўлаги парвозлар хавфсизлигини таъминлаш бўйича барча халқаро талабларга жавоб беради.