Туркия ташқи ишлар вазирлиги Германияга Туркияда амалга оширилган давлат тўнтаришига уринишнинг раҳбарларидан бири — Одил Оксузни экстрадиция қилишни сўраб, талабнома юборган. Бир ҳафта аввал у Германия ҳудудида эканлиги қайд этилган. Бу ҳақда Sabah нашрига таяниб, «Интерфакс» хабар берди.
Шунингдек, Туркия ҳукумати Берлиндан Оксузнинг жойлашаган жойи ҳақида маълумот беришни ва унинг Германияга келганлиги ҳақидаги хабарни текширишни сўраган.
Турли маълумотларига кўра, Оксуз Франкфурт ва Улмда қайд этилган. Шунингдек, у Баден-Вюртемберг ерида вақтинча яшаш учун рухсат олгани ҳақида ҳам хабарлар пайдо бўлган.
Оксуз инқилобнинг энг кўп қидирилаётган иштирокчиларидан бири ҳисобланади. Уни топишда ёрдам берадиган маълумот учун Туркия ҳукумати 1,1 миллион доллар ваъда қилган.
Оксуз 2016 йил 15 июлда, инқилоб вақтида қўлга олинган, бироқ у хавфсизлик кучлари қўлидан халос бўлиб, мамлакатдан чиқиб кетишга муваффақ бўлган.
Изоҳ (0)