Антарктида ғарбида ёнма-ён жойлашган 91 та вулқон аниқланди

Эдинбург университети олимлари Антарктида ғарбидаги муз қатлами сатҳидан икки километр пастда 91 та вулқондан иборат гуруҳни аниқлади. Бу ҳақда «Газета.ru» хабар бермоқда.

Уларнинг энг йиригини Швейцариядаги баландлиги салкам 4000 метр бўлган Эйгер вулқонига солиштириш мумкинлиги билдирилмоқда. Бу топилма фонида шу пайтгача энг зич ҳисоблаб келинган Шарқий Африкадаги вулқонлар гуруҳи ўз мавқеини йўқотади.

Шу билан бирга, вулқонларнинг аниқланиши олимларда ташвиш ҳам уйғотди. Тадқиқот муаллифларидан бир Роберт Бингемга кўра, вулқонлардан бирининг отилиши Антарктида музликларига қандай таъсир кўрсатиши ҳозирча маълум эмас.