АҚШнинг Нью-Йорк штати Мидлтаун шаҳрида 98 ёшли Гертруда Мокотофф ва 94 ёшли Элвин Маннинг никоҳ тўйи бўлиб ўтди, деб ёзади Forum Daily. Келин-куёв 8 йил аввал шаҳардаги спорт залида танишиб қолган.
Уларни умумий таниши учраштириб қўйган. Собиқ бизнесмен, Mount St. Mary коллежининг энг кекса битирувчиси ўз маҳбубаси, Мидлтоннинг собиқ мэрини биринчи учрашувга Something Sweet ресторанига таклиф қилган. Шу тариқа уларнинг муносабатлари гуллаб-яшнаган.
Аммо якуний қадамни кампир амалга оширган. Бир куни улар Нью-Йоркдан уйга қайтаётганида Мокотофф Маннга турмуш қуриш таклифини билдирган. 2017 йил 5 августда эса улар турмуш қурган.
Маннинг айтишича, кексалик ёш рақамларида эмас. «Биз ёшни тўсиқ деб қарамаймиз. Биз ҳалигача ўзимиз истаган нарсаларни қиламиз. Албатта, ўзимизни ҳали ёшдек ҳис қилишда тиббиётнинг ўрни катта, аммо бу асосан биз ташвишсиз ҳаёт кечираётганимиз сабаблидир, биз ҳаётимизга ўзимиз назорат қила олмайдиган ёки бизни ташвишлантириши мумкин бўлган нарсаларни киритмаймиз», — дея Манн бахтиёр кексалик сири билан бўлишди.
Изоҳ (0)