АҚШ президенти Дональд Трамп Вашингтон Венесуэлага нисбатан ҳаракатларнинг «ҳарбий вариант»ини қўллаши мумкинлиги истиснодан холи эмаслигини маълум қилди. Бу ҳақда CNN телеканалига таяниб, «Газета.ru» хабар берди.
«Биз Венесуэлага нисбатан ҳаракатларнинг кўплаб вариантларини кўриб чиқмоқдамиз. Бундан ташқари ҳарбий вариантни ҳам истисно қилмаган бўлардим», — дейди Трамп.
Шунингдек, президентнинг қўшимча қилишича, АҚШнинг «бутун дунё бўйлаб ва ҳатто жуда-жуда узоқларда ҳам» қўшини бор.
«Венесуэла у қадар узоқ эмас ва у ерда одамлар жабр чекмоқда. Ҳалок бўлмоқда. Бизнинг Венесуэлага нисбатан қўллаш мумкин бўлган кўплаб вариантларимиз, жумладан, ҳарбий вариантимиз ҳам бор», — деди Оқ уй раҳбари.
Аввалроқ, Америка президентининг миллий хавфсизлик бўйича маслаҳатчиси Герберт Макмастер АҚШнинг Венесуэлага нисбатан ҳарбий аралашуви эҳтимолдан узоқ эканлигини маълум қилганди.
Изоҳ (0)