Хоразм вилоятида лицензиясиз йўловчи ташиган 13 ҳайдовчи сайёр суд қарорига кўра 20 миллион 968 минг 500 сўм жаримага тортилди. Бу ҳақда «1news.uz» хабар бермоқда.
Урганчда ўтказилган сайёр суд натижасида, Ўзбекистон Республикаси Маъмурий жавобгарлик тўғрисидаги кодекснинг 176-3-моддасида (автомобиль транспортида йўловчилар ташиш фаолияти билан лицензиясиз шуғулланиш) назарда тутилган тартибда 13 нафар фуқарога нисбатан жами энг кам ойлик иш ҳақининг 140 баробари миқдорида жарима жазолари қўлланилди.
Ўзбекистон автомобиль ва дарё транспорти агентлиги ахборот хизмати билдиришича, ҳуқуқбузар ҳайдовчилар ўз вақтида лицензиясиз автотранспортларда йўловчи ташиганлиги учун пушаймонлигини билдириб, бўлиб ўтган сайёр суддан ўзига тегишли хулоса чиқарганлигини ҳамда тез фурсатларда йўловчи ташиш фаолияти учун лицензия олиб, ҳаракатни қонунийлаштириб давлат олдидаги мажбуриятларини бажаришга сўз берди.
Изоҳ (0)