2016 йили Кубада америкалик дипломатлар эшитиш қобилиятидан маҳрум бўлган эди. АҚШ буни овоз ҳужуми деб ҳисобламоқда

2016 йил кузида АҚШнинг Кубадаги элчихонаси ходимлари эшитиш қобилиятини йўқотганидан нолий бошлади. Тахминан беш нафар дипломат шундай шикоят билан мурожаат қилди, деб хабар беради Meduza.

Бундай дардга дипломатларнинг рафиқалари ҳам чалинди. Икки дипломат Кубани тарк этди. Улардан бири ҳозир эшитиш аппарати билан юришга мажбур.

АҚШ амалдорлари норасмий суҳбатларда бу хасталикни одамлар эшитмайдиган овоз чиқара оладиган ускуна билан боғламоқда, деб хабар беради AP. Ускуналар америкаликлар яшайдиган уйларга ёки уларнинг атрофига жойлаштирилгани тахмин қилинмоқда.

Куба расмийлари ўзларининг бу воқеага алоқадорлигини инкор қилмоқда. Мамлакат ТИВ баёнотига кўра, элчихона ходимлари бундай дардга чалингани ҳақида улар 2017 йил февралида билган. Кубанинг тегишли ташкилотлари суриштиришни бошлаган эди, аммо унинг натижалари эълон қилинмади.

2017 йил майида АҚШ мамлакатдан икки нафар кубалик дипломатни чиқариб юборди. АҚШ Давлат департаменти вакили Хизер Ноертнинг айтишича, АҚШ Кубани америкалик дипломатларни ҳимоя қилмасликда ҳамда бу билан дипломатик муносабатлар тўғрисидаги Вена конвенциясини бузган.

АҚШ дипломатларга ҳужумни Россия ёки бошқа бирор давлат уюштирганини истисно қилмаяпти.