Францияда сиёсатчиларга турмуш ўртоқларини ва фарзандларини ёрдамчи сифатида ишга ёллаш тақиқланди. Собиқ бош вазир Франсуа Фийон ва унинг рафиқаси иштирокидаги жанжалдан сўнг ушбу чора қўлланди, деб хабар беради «Газета.ru».
Янги қонун лойиҳаси вазирлар ва парламентарийларга нисбатан чекловлар жорий этади.
Айни пайтда Франция парламенти аъзоларининг ҳар олти нафаридан бири ўз оила аъзосини маош тўланадиган ёрдамчи сифатида ишга олган.
Франция матбуотида яқин кунларда Фийон билан боғлиқ мақолалар чоп этилди. Уларда айтилишича, сиёсатчининг рафиқаси Пенелопа узоқ вақт унинг ёрдамчиси сифатида ишлаб, парламент жамғармаларидан ноқонуний пул олиб келган экан. Бу фактларнинг ошкор бўлиши катта сиёсий жанжал келтириб чиқарди.
Изоҳ (0)