Microsoft корпорацияси Windows фойдаланувчиларини Paint график дастуридан воз кечилмаслигига ишонтирди. Дастурнинг кейинги тақдири ҳақида Microsoft блоги орқали ҳикоя қилиб берилди, деб хабар қилади Meduza.
Компанияга кўра, Paint шунчаки Windows Store дастурлар дўконига кўчирилади; у ердан график таҳрир дастурини бепул кўчириб олиш мумкин бўлади.
Шу маълумот асосида The Verge нашри дастур янги Windows’ларга автоматик тарзда ўрнатилмаслигини тахмин қилмоқда.
Microsoft, шунингдек, Paint функцияларининг бир қисми Paint 3D дастурига кўчирилишини билдирди. Ушбу дастур Windows 10 га 2017 йил баҳорида киритилди.
Изоҳ (0)