Янгийўл туманида 2016 йилнинг май ойидан шу кунга қадар бир неча фуқароларни алдаб, моддий манфаатдорлик эвазига олган пулларини устама фоизлари билан қайтариб беришини айтиб, фирибгарлик қилган шахс қўлга олинди. Бу ҳақда Тошкент вилояти ИИБ хабар берди.
Янгийўл туманида 1981 йилда туғилган М.М. фирибгарлик йўли билан, 1981 йилда туғилган А.И. ва 1978 йилда туғилган Ў.Э.нинг ишончини суистеъмол қилиб, 12 бош қора молини сотиб олиб, пулларни 12 ой муддатда устама фоизлари билан қайтариб беришни ваъда қилган.
Фирибгарлик қилган шахс жабрланувчиларга 12 бош қорамол учун 62 000 000 сўмни шу кунга қадар бермасдан, ўз эҳтиёжлари учун ишлатиб юборган.
Ҳозирда фуқаро М.М.га нисбатан Ўзбекистон Республикаси Жиноят Кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Изоҳ (0)