Намангандаги Чорсу бозорида мол гўшти қатъий — 25 минг сўм этиб белгиланди

Наманган шаҳар «Чорсу деқон универсал бозори»да мол гўшти 25 минг сўм этиб белгиланди. Бу ҳақда «Namnews.uz»га таяниб, UZ24 хабар берди.

Мақолада ёзилишича, мазкур бозорга янги раҳбар тайинлангач, маълум ишлар амалга оширилди. Жумладан, ўтган ҳафта ичида бозорнинг бош дарвозаси ўнг томонида гўшт растаси ташкил этилди. Унда мол гўштининг нархи қатъий – 25 минг сўм этиб белгиланди.

Шунингдек, бозор худудида ишламай турган «умивалник»лар ишлатилди. Мавжуд 106 та турғун савдо шохобчаси, 866 та раста фаолияти бир мунча тартибга келтирилди. Маҳсулотларга нархлар тўла ёзиб қўйилди. Бу масалада шакар сотувчи устамонлар фаолияти алоҳида назоратга олинди. Натижада кунига 5 миллион сўм савдо қилинмоқда. Дастлабки тозалов кунида 5 та автомашинада ахлат чиқариб ташланди.

«Чорсу» бозорининг Самарқанд кўчаси кенгайтирилиши, бунинг учун 14 хонадон кўчирилиши, уларнинг уйларини нархлаш, бузилишига ёрдам бериш, қурилиш ашёларини белгилаган жойларга етказиш, бу ҳудуд бозор ичига олиниши режалаштирилган.

Аввалроқ, Андижон вилоятида гўшт 29 минг сўмдан сотилаётгани ҳақида хабар берилганди.