Петербургдаги ёнғинда ҳалок бўлганлар тўғрисидаги маълумот Хоразм вилояти ҳокимлигига етказилди

Санкт-Петербург шаҳри таркибига кирувчи Колпинодаги металл ангарда 13 июль куни юз берган ёнғин оқибатида етти ўзбекистонлик ҳалок бўлгани тасдиқланди. Ўзбекистон Ташқи ишлар вазирлиги маълумотларига кўра, уларнинг бари Хоразм вилоятидан бўлган.

«Ҳалок бўлган Ўзбекистон фуқаролари тўғрисидаги маълумот уларнинг оила аъзоларини хабарбор қилиш мақсадида Ўзбекистон Ички ишлар вазирлиги бўлинмалари ва Хоразм вилояти ҳокимлигига етказилди», — дейилади ТИВ ахборотида.

Хабар беришларича, Россиянинг ваколатли органлари томонидан суд-тиббий экпертизаси ўтказишга қарор қилинган. Ўзбекистоннинг Россиядаги элчихонаси Санкт-Петербург ва Колпинонинг тегишли идоралари билан доимий алоқада бўлиб турибди.