Хорижий жосус самолёт Болтиқ денгизи устида, Калининград яқинида йўловчи ҳаво кемасига хавфли даражада яқинлашди. Бу ҳақда вазият билан таниш манбага таяниб, «Интерфакс» хабар берди.
«Хелсинкидан Мюнхенга йўл олган А-321 экипажи Болтиқ денгизи устида, Калининграддан 100 километр узоқликда парвоз қилаётган чоғда хавфли яқинлашувдан огоҳлантирув тизими ишлаб кетганлигини маълум қилди. Хорижий ҳарбий самолёт йўловчи лайнеридан атиги 150 метр юқорида эди. Экипажнинг уринишлари туфайли самолётлар ҳеч бир кор-ҳолсиз йўналишида давом этди», — таъкидлади агентлик манбаси.
Хорижий ҳарбий самолёт — тўртта реактив двигателли Boeing Rivet Joint радиоэлектрон разведка ва аэрофотосъёмка қурилмалари билан жиҳозлангани ҳамда НАТО давлатларидан бирига тегишли бўлгани тахмин қилинмоқда.
Изоҳ (0)