Жиззахдаги газ тўлдириш шохобчаларида сўнгги икки ҳафтада уч марта портлаш юз берди

Жиззах шаҳридаги автомобилларга газ тўлдириш шохобчаларида сўнгги икки ҳафтада уч марта портлаш юз берди. Бу ҳақда «Sangzor.uz» хабар бермоқда.

Хусусан, Жиззах шаҳридаги «Чуқур» номи билан танилган шохобчада юк машинасини газ билан тўлдириш вақтида портлаш юз берган. Хабар беришларича, портлаш юз берган шохобча ҳозирги вақтда ишламаяпти.

Бунгача шаҳарнинг Мустақиллик кўчасида жойлашган газ тўлдириш шохобчасида ҳам портлаш юз берган. «Гувоҳларга кўра, ушбу ҳодиса оқибатида ҳалок бўлганлар ҳам бор», — деб ёзади «Sangzor.uz».

«Сўнгги икки ҳафта ичида уч марта содир бўлган портлашлар сабаблари тегишли органлар томонидан ўрганилаётганига ишончимиз комил», — дея қўшимча қилинган сайт ахборотида.