«Бугунги кунда 11 йиллик таълимга ўтиш борасида тайёргарлик ишлари олиб борилмоқда. Ишчи гуруҳлар томонидан мактабларда касб-ҳунар ўргатиш ишлари бўйича ўрганиш ишлари давом эттирилмоқда», — деб 11 йиллик таълим юзасидан Халқаро пресс-клубнинг 7 июлда бўлиб ўтган сессиясида берилган саволга Халқ таълими вазирлиги бошқарма бошлиғи Ҳикматилла Даминов жавоб берди.
Янги ўқув йилига қадар 10-синфда ўқишни давом эттирувчи ўқувчилар учун дарсликлар ва ўқув-услубий қўлланмаларни тайёрлаш ишлари ишчи гуруҳлар томонидан якунланади.Шунингдек, бу масала юзасидан давлат раҳбари томонидан 30 июнда 20 кунлик муддат ичида ҳукумат қарори лойиҳасини тайёрлаш топшириғи берилгани ва айни вақтда қарор лойиҳаси устида иш олиб борилаётгани таъкидлаб ўтилди.Ҳикматилла Даминов, Халқ таълими вазирлиги бошқарма бошлиғи
Мактаблардаги синфларда ўқувчилар сонининг жуда кўпайиб кетиши юзасидан берилган саволга жавоб берган вазирлик вакили янги таҳрирда тасдиқланган умумий ўрта таълим тўғрисидаги низомга асосан, мактаблардаги шароитлардан келиб чиқиб синфлардаги ўқувчилар сони 35 нафаргача этиб белгиланганини айтиб ўтди.
Изоҳ (0)