Россия ва Мўғулистон чегарасидаги тўсиқ олдида юзага келган тиқилинч оқибатида 200 га яқин антилопа ҳалок бўлди. Бу ҳақда Даур қўриқхонаси директори Вадим Кирилюк маълум қилди, дея хабар беради «ТАСС».
«Россия томонига ўтишга интилиб тўсиқ олдида Муғулистондан камида 30 мингга яқин антилопа тўпланиб қолди. Улар ўз манзилидан қурғоқчилик ва ёнғинлар туфайли кўчганди. Юзага келган тиқилинч оқибатида 200 га яқин антилопа, асосан болалар ҳалок бўлди», — деб таъкидлади Вадим Кирилюк.
Қўриқхона раҳбарига кўра, чегара тўсиғи жониворларни уни ошиб ўтишга куч сарфлашга мажбур қилди. Вазиятни антилопаларнинг ҳаддан зиёд кўплиги, тиканли симдан ўтишга қаратилган кўп сонли ҳаракатлар мураккаблаштирди.
«Қизил китоб»га киритилган жониворлар ҳалокатига жазирама ҳам сабаб бўлгани билдирилмоқда.
Изоҳ (0)