Тармоқда тўйига вертолётда йўл олаётган қиз ҳаётидаги охирги дақиқалар акс этган видео пайдо бўлди. Авария оқибатида учувчи ва уч йўловчи ҳалок бўлди, дея хабар беради «Вести.ru».
Фожиа Бразилиянинг Сан-Паулу шаҳрида 2016 йил декабрида рўй берганди, бироқ ҳодиса лавҳалари интернетда яқинда, ҳалокат тергови давомида пайдо бўлди.
Роземере де Насименто Силва куёв учун сюрпизни режалаштиради ва никоҳ маросими ўтказиладиган жойга «Робинсон 44» вертолётида, укаси Силвано ва фотограф Найяла Кристина Невес ҳамроҳлигида йўл олади. Вертолётни учувчи Петерсон Пинейро бошқарди.
Сюрприз ҳақида маросимга йиғилган 300 нафар меҳмондан саноқли киши биларди, холос. Кейинчалик ҳаво кемаси тўй ўтказилаётган манзилга атиги бир километр етмай қулагани маълум бўлди. Авария жойида Невес келинни суратга олган смартфон топилди.
Парвоз аввалига рисоладагидек кетаётганди, бироқ вертолёт бирданига қулаб тушди. Терговчиларга кўра, машина учувчи хатоси туфайли дарахтга бориб урилган бўлиши мумкин.
Изоҳ (0)