Татаристоннинг Заинск туманида юк автомобили ва автобус иштирокидаги ЙТҲда 13 киши ҳалок бўлди. Бу ҳақда республика соғлиқни сақлаш вазирлиги маълум қилди, деб хабар беради «Интерфакс».
«Ҳодиса оқибатида 28 киши жабрланди: улардан 13 нафари ўлди, 15 киши жароҳатланди. 12 киши касалхоналарда қолмоқда, уч кишига амбулатор даволанишга рухсат берилди», — деди вазирлик матбуот котиби Ойгул Салимзянова.
2 июль, якшанбага ўтар кечаси Заинск шаҳридан 9 километр узоқда КамАЗ юк автомобили ва «Неоплан» йўловчи автобуси тўқнашди. Самара — Ижевск йўналишида ҳаракатланаётган автобус ағдарилди ва ёниб кетди.