Зарина Низомиддинова «Darakchi.uz» нашрига берган интервьюсида турли гап-сўзлар туфайли ижтимоий тармоқларга қадди-қоматига урғу берилган суратларини жойлашдан тўхтамаслигини маълум қилди.
«Сўнгги пайтларда ижтимоий тармоқларга юклаётган фотосуратларингиз катта муҳокамаларга сабаб бўляпти. Лекин бу гаплар сабаб қадди-қоматингизга урғу бериб суратга тушишни тўхтатаётганингизча йўқ», — дея журналист актрисага юзланди.
«Тўхтатмайман ҳам! — дея жавоб қилди Зарина. — Чунки ким нима деса, десин, мен айримларга ўхшаб очиқ-сочиқ кийиниб юрганим йўқ. Шунчаки, бироз тор либосларни яхши кўраман, холос. Бундан ташқари, бу мен танлаган замонавий услуб. Назаримда, ҳамманинг ўз диди ва хоҳишлари бўлиши табиий. Бунга биров тўсқинлик қилиб, уни тарбиясиз ва ахлоқсизга чиқариши нотўғри! Мени ёмон гаплар билан муҳокама қилаётганлар, интернетдаги бошқаларнинг ҳаётига ҳам назар солиб кўришса ёмон бўлмасди».
Изоҳ (0)