Исроил Дамашқдаги Сурия ҳукумати назорати остидаги қуролли кучларга ҳужум қилди. Бу ҳақда «Коммерсантъ» хабар бермоқда.
Расмий Тел-Авив ўз ҳужумини жавоб зарбаси ва Голан тепаликлари ўққа тутилишига муносабат деб баҳолади.
«Сурия тузумига тегишли икки артиллерия марраси ва қурол-яроғ ортилган юк машинаси нишонга олинди», — дейилади Исроил мудофаа армияси ахборотида.
Исроил ҳарбийлари 1967 йилдан бери эгаллаб турган Голан тепаликларидаги қуролли қарама-қаршилик иккинчи кун давом этмоқда.
Исроил ҳарбий-ҳаво кучлари бир кун аввал Сурия танки ва артиллерия марраларини ўққа тутган эди. Тел-Авив ўшанда ҳам ўз ҳаракатларини жавоб зарбаси деб таърифлаган эди.
Изоҳ (0)