Ўзбекистон Президентининг 22 июндаги қарори билан республика иқтисодиёти тармоқлари ва ижтимоий соҳаларини 2017/2018-куз-қиш мавсумида барқарор ишлашга комплекс тарзда тайёрлашни таъминлаш чора-тадбирлари тасдиқланди. Ҳужжат матнини Ўзбекистон Республикаси Президентининг расмий веб-сайти эълон қилди.
Ҳужжатга мувофиқ, Вазирлар Маҳкамаси томонидан Бош вазир ўринбосарлари раҳбарлигидаги учта ишчи гуруҳ тузилди, улар қуйидаги йўналишларни ўз ичига олади:
- кўп хонадонли уйларни куз-қишки даврда ишлашга тайёрлаш, иссиқлик ва сув таъминотини, лифтларни, умумий фойдаланиш жойларини тартибга келтириш ва тегишли ҳолатда сақлаш, маҳаллалар ҳудудларининг санитар ҳолатини таъминлаш, ободонлаштириш ишларини ташкил қилиш;
- ижтимоий соҳа, иқтисодиёт тармоқлари объектларини ва аҳолини ёқилғи-энергетика манбалари билан ўз вақтида ва етарлича таъминлаш ишларини ташкиллаштириш, электр таъминоти, газ таъминоти объектларини ва кўмир соҳаси корхоналарини куз-қишки даврга тайёрлаш;
- ижтимоий соҳа объектларини куз-қишки даврда барқарор ишлашга тайёрлаш, уларнинг санитар ҳолат ва ободончилик бўйича талабларга жавоб беришини таъминлаш.
Қорақалпоғистон Вазирлар Кенгаши раиси, вилоятлар ва Тошкент шаҳар ҳокимлари, давлат ва хўжалик бошқаруви органлари ҳамда бошқа ташкилотлар раҳбарлари 2017/2018 йилларнинг куз-қиш мавсумида иқтисодиёт тармоқларининг барқарор ишлашини таъминлашга қаратилган тадбирлар ва ишлар ўз вақтида ва сифатли бажарилиши юзасидан шахсан масъулдир, дейилади ҳужжатда.
Изоҳ (0)