Ҳар йили Қозоғистоннинг Остона шаҳрида ўтказилиб, 60 мамлакатдан 600 дан зиёд делегатларни тўплайдиган халқаро баҳс-мунозара майдони — Евросиё Медиа Форуми бўлиб ўтади.
Форум расмий сайтида ёзилишича, Евросиё Медиа Форуми ҳозирги куннинг энг долзарб мавзулари бўйича дунё медиамайдонининг энг аҳамиятли иштирокчилари, фикрлар етакчилари ва турли соҳаларнинг тан олинган профессионаллари иштирокидаги очиқ мулоқотдир.
Бу йил 22—24 июнь кунлари ўтказиладиган ушбу форумда Ўзбекистондан тўртта интернет-нашр ходимлари, шу жумладан, «Дарё» вакили ҳам қатнашади.
Форум ўз фаолиятини 2002 йилда бошлаб, ўшандан буён сиёсий, иқтисодий ва ижтимоий масалаларнинг кенг доирасига ўз таъсирини ўтказа оладиган, дунё кўламидаги ҳодиса сифатида ўзини кўрсатди, дейилади расмий сайтда.
Форум таъсис этилган вақтдан буён унинг ғоявий илҳомчиси ва ташкилий қўмита раиси сифатида сиёсат фанлари доктори Дариға Назарбоева фаолият юритиб келмоқда.
Изоҳ (0)