Шавкат Мирзиёев Андижонда янги автомобиллар ишлаб чиқариш лойиҳалари билан танишди

Ўзбекистон Президенти Шавкат Мирзиёев «Ўзавтосаноат» компанияси Андижон вилоятида амалга оширишни режалаштирган лойиҳалар билан танишди. Бу ҳақда ЎзА хабар бермоқда.

Бунда енгил автомобилларнинг янги моделларини ишлаб чиқариш, ускуна ва жиҳозларни модернизация қилиш, енгил автомобиллар қисмларини ишлаб чиқаришни маҳаллийлаштириш, янги моделдаги автомобиллар учун интерер, штампланган, пайвандланган панеллар, радиатор, кондиционер тизимлари, ўриндиқлар, овоз сўндиргич тизими қисмлари, газ чиқариш тизимлари ишлаб чиқаришни йўлга қўйиш кўзда тутилган.

«Президентимиз лойиҳаларни янада такомиллаштириш бўйича тавсиялар берди», — дейилади ЎзА ахборотида.