Россияда «МТС» алоқа оператори Екатеринбург фуқаросининг вафотидан кейин у билан тузилган шартномани бекор қилишдан бош тортди, натижада марҳумнинг турмуш ўртоғига беш ой давомида компания хизматлари учун тўланадиган ҳақ кўрсатилган ҳужжатлар келиб турди, деб ёзади Afisha Daily жабрланувчининг қизига таяниб.
«МТС» офисига икки марта бориб, эрининг ўлими ҳақидаги гувоҳномани кўрсатишига қарамай, аёл алоқа оператори билан шартноманинг бекор қилинишига эриша олмади.
Унга эрининг қарздорлиги бўлганлиги туфайли, ўлим шартнома тўхтатилиши учун сабаб бўла олмаслигини, шу сабабли у учун ҳар ойда тўлаш кераклигини айтишган. Аёл нотариусга бориб, мерос ҳуқуқини расмийлаштириши, сўнг офисга келиб шартномани ўзининг номига қайта расмийлаштириши ва меросхўр сифатида интернет учун тўпланиб қолган қарзни тўлаши кераклиги, шундан кейингина шартнома бекор қилиниши мумкинлигини айтишган.
Аммо кейинроқ аёл ижтимоий тармоқларда фаоллик кўрсатиб, қарздорлик бўлса-да, шартнома бекор қилинишига эриша олди, «МТС» компанияси эса узр сўради.
Изоҳ (0)