Бугун,

  • USD 11095.31
  • RUB 173.84
  • EUR 10772.44

Италиялик мутахассис Роберто Манчини Санкт-Петербургнинг «Зенит» клубини қабул қилиб олди. Шартнома уч йилга мўлжалланган, деб хабар берди клуб матбуот хизмати.

Фото: «Зенит»

Фото: «Зенит»

Вазиятга қараб шартнома яна икки йилга узайтирилиши ҳам мумкин. Бунинг учун Манчини «Зенит»ни муваффақиятли бошқариши керак бўлади.

Манчинига қадар «Зенит»ни руминиялик Мирча Луческо бошқариб келаётганди. Мутахассис билан шартнома 2+1 кўринишида тузилган бўлса-да, Луческо «Зенит»да бир йил ишлади. Клуб президенти этиб Сергей Фурсенко тайинлангач, Луческо билан шартнома бекор қилинди.

«Зенит»да ўз вақтида Дик Адвокат, Лучано Спалетти, Андре Виллаш-Боаш каби машҳур мураббийлар ҳам фаолият олиб борган.

52 ёшли Роберто Манчини мураббий сифатида «Фиорентина» ва «Лацио» билан бир марта, «Интер» билан икки марта Италия кубогида ғолиб чиққан. «Интер» кетма-кет уч марта скудеттони ютишига сабабчи бўлган, мамлакат Суперкубогини қўлга киритган.

«Манчестер Сити»даги фаолияти давомида Манчини Англия чемпионлиги, кубоги ва Суперкубогини ютди, «Галатасарой» билан Туркия кубогида ғолиб чиқди.

Шунга қарамай, Манчинининг еврокубоклардаги натижалари қониқарли эмас. Эндиликда мураббий катта совринларга «Зенит» билан эга чиқишга ҳаракат қилади.

Изоҳ
Асосий янгиликлар
Маҳаллий
Ўзбекистонда 29 май куни 39 даражагача иссиқ бўлади
Шоу-бизнес
“Хитойдан ўлигим қайтади деб қўрққанман”. Уч хил овозда гапира оладиган халқаро цирк устаси, вайнер Шерзод Мамадалиев билан суҳбат (видео)
Маҳаллий
Хоразмда 3-синф ўқувчиларига беҳаё хатти-ҳаракатлар қилган 61 ёшли ўқитувчи беш суткага қамалди