40 нафар ОАВ вакиллари ва мутахассислари иштирокида Мўйноқ тумани ҳудудига медиатур ташкил қилинди (фото)

40 нафар оммавий ахборот воситалари вакиллари ва мутахассислар иштирокида Орол денгизи ва Мўйноқ тумани ҳудудига медиатур ташкил қилинди, деб хабар берди «KRuz.uz».

Медиатур Қарақалпоғистон Республикаси Вазирлар Кенгаши ёрдамида Қорақалпоғистон ахборот агентлиги ва Ўзбекистон журналистлар ижодий уюшмаси Қорақалпоғистон бўлими томонидан ташкил қилинган.

Мазкур тадбирни уюштиришдан мақсад – Ўзбекистон Республикаси Президентининг 2017 йил 28 февралдаги «Қорақалпоғистон Республикаси Мўйноқ туманини 2017—2018 йилларда иқтисодий ривожлантириш ва бандликни таъминлашга доир қўшимча чора-тадбирлар тўғрисида»ги ПҚ—2803-сонли қарори ижросини таъминлаш юзасидан, яъни Мўйноқ тумани ва Орол денгизи ҳудудига туристларни кенгроқ жалб қилишни назарда тутган ҳолда ҳудуднинг табиати, тарихи, ҳайвонот олами ва туман халқининг дастурлари, анъаналари ҳақида журналистик материаллар тайёрлашдир.

Тадбирнинг биринчи кунида журналистлар даставвал Устюрт текисликларига ташриф буюришди.