Филиппинда ИШИДнинг салкам 90 нафар жангариси йўқ қилинди

Филиппин қуролли кучлари охирги ҳафтада ИШИД тарафдори бўлган 89 нафар жангарини йўқ қилди. Бу ҳақда «Корреспондент.net» хабар бермоқда. 

Мамлакат армияси бригада генерали Реституто Падильяга кўра, Марави шаҳрида юзага келган ҳолатни бартараф этиш учун «ўта муваффақиятли» қадам ташламоқда. Бироқ жангарилар ихтиёрларида қолган ҳудуднинг 10 фоизини жуда яхши қўриқламоқда. Уларнинг аниқ сони ҳам маълум эмас. 

Расмий манбаларга кўра, қуролли можаро ҳозиргача 21 ҳарбий ва 19 фуқаронинг умрига зомин бўлди. Жангарилар қўл остидаги ҳудудларда ҳам кўплаб тинч аҳоли қолмоқда.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.