АҚШ баллистик ракеталарни тўхтатиб қолувчи ракетани муваффақиятли синовдан ўтказди
АҚШ ҳарбийлари 30 май, сешанба куни қитъалараро баллистик ракеталарни тўхтатиб қолиш учун яратилган ракетани муваффақиятли синовдан ўтказди. Бу ҳақда АҚШ ракетага қарши мудофаа агентлиги маълум қилди, деб ёзади «РИА Новости».
Бошқарманинг маълум қилишича, Калифорнияда жойлаштирилган парвоз марш майдонида ракетага қарши мудофаанинг ердаги тизими (Ground-based Midcourse Defense) синовдан ўтказилди. У Тинч океанидаги Маршалл оролларидан учирилган нишон-ракетани мўлжалга олди. Нишон рўпарадан тўқнашув натижасида йўқ қилинганлиги таъкидланмоқда.
«Дастлабки маълумотларга кўра, синов биринчи мақсадларига эришди. Дастур билан шуғулланувчи расмий шахслар синов давомида олинган маълумотлар асосида тизим маҳсулдорлигини баҳолашда давом этади», — дейилади бошқарма хабарида.
