Жанубий Корея КХДР ракета учиргандан сўнг унга қарши қатъий чоралар қўллашга ваъда берди

Жанубий Корея ТИВ КХДР томонидан баллистик ракета учирилганлигини қоралади ва мазкур мамлакатга қарши кескин чоралар қўллашга ваъда берди. Бу ҳақда «Рёнхап» агентлиги хабар берди, деб ёзади «РИА Новости».

«Ракета учирилиши БМТ Хавфсизлик кенгаши резолюциясини ошкора бузиш ҳисобланади ва нафақат Корея яримороли, балки глобал дунё ва хавфсизлик учун жиддий таҳдид уйғотади. Ҳукумат провокацияларга йўл қўя олмайди ва кескин чоралар қўллайди», — дейилади вазирлик баёнотида.

29 май, душанба куни Вонсан шаҳри ҳудудидаги шарқий соҳилдан учирилган КХДР ракетаси олти дақиқа учиб, 450 километр масофани босиб ўтди.