Facebook компанияси раҳбари Марк Цукерберг Гарвард университетидан ҳайдалганидан сўнг 12 йил ўтиб, ушбу ОТМдан фахрий илмий даражани қабул қилиб олди, деб ёзади «ТАСС» университетнинг расмий сайтига таяниб.
Ҳужжатда айтилишича, тадбиркор Time ва Forbes журналлари версиясига кўра, дунёнинг энг нуфузли одамлари рейтингига киритилган, шунингдек, миллиардлаб доллар маблағни хайрияга сарфлаган. «Цукерберг Facebook’ни Пало-Aлтoга кўчиргунича Гарвард университетида информатикани ўрганган», — деди таълим муассасаси вакили. Facebook раҳбари фахрли юридик фанлар докторига айланди.
Цукерберг 2005 йилда университетнинг Harvard Crimson нашрига ўқишга қайтмоқчи эмаслигини расман маълум қилган эди. Ўша вақтдаёқ Facebook кўпмиллионли инвестицияларни жалб қилишни бошлаган эди. Тадбиркор 25 май, пайшанба куни ижтимоий тармоқларга академик либосда ота-онаси билан қўлида диплом кўтариб тушган суратини жойлади ва «Ойи, мен сизга доим илмий даражамни олиш учун қайтиб бораман, деб айтардим», — дея изоҳ ёзди.
Изоҳ (0)