Windows операция тизимига эга компьютерларга WannaCry вирусидан фойдаланиб уюштирилган оммавий киберҳужум келтирган зарар миқдори 1 миллиард доллардан ошди. Бу ҳақда «ТАСС» хабар бермоқда.
McClatchy ахборот хизматига кўра, 12 май куни бошланган киберҳужумлар натижасида бир ҳафтага етмаган вақт давомида камида 150 мамлакатда 300 минггача компьютер зарарланди. Америкалик мутахассислар келгусида хакерлар томонидан бундай ҳаракатлар қайтарилиши мумкинлигини истисно этмади.
«WannaCry томонидан атиги илк 4 кун давомида етказилган зиён 1 миллиард доллардан ошди. Бунга бутун дунё бўйлаб йирик ташкилотларда фаолият тўхтагани, манбалар йўқолгани, ишлаб чиқариш суръати пасайгани ва мароми бузилгани, суд экспертизалари, нуфузга етказилган зарар ва бошқа омиллар киради», — дейди KnоwBе4 компанияси раҳбари Стью Сьюверман.
Изоҳ (0)