Хитойнинг иккита қирувчиси Шарқий Хитой денгизи осмонида Америка ҳарбий самолётини тўхтатиб қолди. Бу ҳақда NBC телеканали АҚШ ҳарбий мансабдорларига таяниб маълум қилди, деб ёзади «РИА Новости».
Вазифаси ядро портлашларини аниқлаш мақсадида атмосферадан намуналар олишдан иборат WC-135 Constant Phoenix самолёти 17 май, чоршанба куни Шарқий Хитой денгизи осмонидаги халқаро ҳаво ҳудудида режали миссиясини амалга ошираётган вақтда Хитойнинг иккита Су-30 қирувчи самолёти томонидан тўхтатиб қолинган.
АҚШ ҳарбий мансабдорлари маълум қилишича, Америка самолёти жамоаси ушбу хатти-ҳаракатларни «нопрофессионал» деб таърифлаган. Мансабдорлар Америка самолёти халқаро қонунчиликка мувофиқ ҳаракат қилганини айтди. Тегишли ахборот дипломатик каналлар орқали Хитойга йўналтирилган.
Изоҳ (0)