Малайзия ҳукумати мамлакатдаги бош террорчи йўқ қилинганини маълум қилди

Малайзия ҳукумати қидирувда бўлган террорчи, ИШИДнинг дала қўмондонларидан бири — Муҳаммад Ванди йўқ қилинганини тасдиқлади. Бу ҳақда миллий полиция бошлиғи Ҳолид Абубакирга асосланиб Star нашри маълум қилди, деб хабар берди «ТАСС».

«Барча тезкор маълумотларни ўрганиб чиқиб, 26 ёшли эркак 29 апрель куни Суриянинг Раққа шаҳридаги жангариларнинг позициясига учувчисиз учиш қурилмаси орқали берилган зарба натижасида йўқ қилинганини тасдиқлашимиз мумкин», — деди мамлакат полицияси бошлиғи.

Муҳаммад Ванди 2016 йилда Сурияга кўчиб ўтган ва у ерда экстремистлар томонидан ИШИД террорчилик ташкилотига бахас тилидаги сўзлашувчи (Индонезия, Малайзия шунингдек, Сингапур ва Филиппинда қисман тарқалган тил) янги жангариларни қабул қилиш бўйича масъул этиб тайинланган. Бундан ташқари унга Малайзияда террорчилик ҳужумини ташкил этиш ва тайёрлаш вазифаси топширилган. У ўтган йилнинг июнида Куала-Лумпур шаҳри четидаги тунги клублардан бирига уюштирилган терактда иштирок этган.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.