Ўтган ойда 91 ёшга тўлган Буюк Британия қироличаси Елизавета II Jaguar Х-Type автомобилида Катта Виндзор боғида жойлашган ибодатхонадан қайтаётгани кузатилди. Бу ҳақда «ТАСС» хабар бермоқда.
Daily Telegraph газетасида эълон қилинган фотода Елизавета II ни денгиз тўлқини рангидаги машинада, кўк рангли пальто ва шундай рангли шляпада кўриш мумкин. Унинг ёнидан қўриқчиси жой олган.
Иккинчи жаҳон уруши йилларида механик-ҳайдовчи сифатида тайёргарликдан ўтган қиролича ўзи машина ҳайдашни ёқтиради. У ҳайдовчилик гувоҳномасисиз юришга рухсат берилган, шунингдек, Виндзор боғи хиёбонида машинада сайр қилиши мумкин бўлган Буюк Британиядаги ягона инсон ҳисобланади.
Охирги бор қиролича ўтган йил сентябрида Шотландиядаги Балморал қароргоҳида автомобиль бошқаргани қайд этилганди.
Изоҳ (0)