Ҳамма учун севимли бўлган табиат қўйнида сайр қилиш мавсуми бошланишига ҳам яқин қолди. Агар сиз қуёшда соғлиққа зарар етказмасдан чиройли қорайишни хоҳласангиз – бу мақоламиз сиз учун.
Терини қорайишга тўғри тайёрлаш
Чиройли ва бир текисда қорайиш учун олдиндан тайёргарлик кўриш: терини пилинг ёрдамида эски ҳужайралардан тозалаш лозим. Лекин бу машғулотлардан кейин бирданига қорайишга кетманг, аксинча танангизда қичишиш ёки пигмент доғлар пайдо бўлиши мумкин.Душдан кейин терининг таранглиги ва эгилувчанлигини сақлашга ёрдам берувчи фаол намловчи воситалардан фойдаланишга ҳаракат қилинг, чунки узоқ вақт қуёшда бўлиш натижасида тери қуруқлашиб қолиши мумкин.
Қорайиш учун витаминлар
Қуёшда қорайиш яхши натижа бериши учун, таомномангизга меланин ишлаб чиқаришга ёрдам берувчи озиқ-овқатлар қўшиш лозим: сабзи ёки цитрусли мевалар (грейпфрут, апельсин, лимон, мандарин) шарбатлари.Хавфсиз қорайиш қоидалари
Мутахассислар қуёш ванналарини қуёш булутлар орасида бўлган ёки унинг нурлари тик тушмаган вақтларда қабул қилишни тавсия қилишади. Бундай ҳолатларда унинг таъсири инсон учун унчалик хавфли ҳисобланмайди.Соат 12 гача ва соат 16 дан кейин қорайишга ҳаракат қилинг. Қорайиш учун қулай ҳолатда жойлашишда қуёш қайси томондан нур сочаётганини унутманг. Ҳолатингизни ҳар 5—10 дақиқада ўзгартириб туринг.
Тўғри қорайишнинг яна бир қоидаларидан бири қуёшдан ҳимоя қилувчи кремдан фойдаланишдир. Агар сизнинг терингиз оқиш рангли бўлса, яхшиси қуёшдан ҳимояловчи SPF 50 кремидан фойдаланинг.
Манба: «Anysports.tv»
Изоҳ (0)