Россиялик сайёҳлар орасида Тошкент МДҲдаги энг яхши шаҳарлар ўнталигидан жой олди

ТурСтат таҳлилий агентлиги россиялик туристлар орасида 2017 йил май ойининг биринчи ўн кунлиги бўйича МДҲ ва яқин чет эл мамлакатларига саёҳат қилиш маъқул кўриладиган машҳур шаҳарларни эълон қилди, деб хабар берди «Turstat.com».

Рўйхатда МДҲ давлатлари ичидан биринчиликни Минск шаҳри эгаллади.

Маълумотларга кўра, россияликлар туристлар Минск шаҳрига ўртача уч кунга келади ва меҳмонхонада яшаш учун кунига 3,2 минг рубль (56 доллар) сарфлайди.

Тбилисига россиялик туристлар ўртача 4 кунга (суткасига 51 доллар), Олмаотага 4,5—5 кунга (суткасига 61 доллар), Бокуга — 3,5 кунга (58 доллар), Ереванга — 3 кунга (54 доллар), Киевга — 2,5 кунга (52,5 доллар), Тошкентга — 2 кунга (44 доллар) келишади.

Яшаш учун энг арзон шаҳар — Бишкек (1,5 кунга 35 доллар) ва Кишинёв (1,5 кунга 36,8 доллар), энг қиммати — Остона (2 кунга 58,5 доллар) деб топилди.

Россиялик туристлар орасида МДҲ даги энг машҳур 10 та шаҳар:

1. Минск (Белорусия)
2. Тбилиси (Грузия)
3. Олмаота (Қозоғистон)
4. Боку (Озарбайжон)
5. Остона (Қозоғистон)
6. Ереван (Арманистон)
7. Киев (Украина)
8. Тошкент (Ўзбекистон)
9. Бишкек (Қирғизистон)
10. Кишинёв (Молдова)