Наманган вилоятининг Янгиқўрғон туманида яшовчи уруш ва меҳнат фахрийси Аҳмаджон ота Абдуллаевга Ўзбекистон Республикаси Президенти ҳамда Ички ишлар вазирининг табрикномалари топширилди. Бу ҳақда «Дарё»га Наманган вилоят ИИБ матбуот хизмати маълум қилди.
Навкент қишлоғида истиқомат қилувчи Аҳмаджон ота Абдуллаев 1943 йилда фронтга отланиб, урушнинг сўнгги кунларига қадар жанггоҳларда бўлди. 1950 йилдан бошлаб туман ички ишлар бўлимида 30 йил давомида намунали хизмат қилди.
Олий Мажлис Қонунчилик Палатаси депутати Акмал Раҳмонов, Наманган вилоят ички ишлар бошқармаси бошлиғи Азиз Тошпўлатов, туман ҳокими Муҳаммадзокир Маматхонов Аҳмаджон отага табрикномаларни етказди. Икки миллион сўм миқдоридаги пул мукофоти ва эсдалик совғалари топширилди.
Шундай йўқлов Наманган шаҳрида истиқомат қилувчи истефодаги полковник Маҳмуджон Нуритдинов хонадонида ҳам бўлиб ўтди. 1956 йилдан Наманган вилоят ИИБда турли лавозимларда фаолият юритган Маҳмуджон отанинг набиралари бугунги кунда ички ишлар идораларида унинг ишини давом эттириб келмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)