Хонанда Райҳон ва актёр Йигитали Мамажонов ўғилларини туғилган куни билан табриклади
Ўзбекистонда хизмат кўрсатган артист Райҳон Ғаниева ва актёр Йигитали Мамажоновнинг ўғиллари Ислом ва Имрон бугун, 1 май куни 3 ёшга тўлди, деб ёзади «Darakchi.uz».
Мазкур сана муносабати билан Райҳон ва Йигитали ўғилларига аталган дил сўзларини ижтимоий тармоқлардаги саҳифаларига ёзиб қолдирди. Райҳон фарзандларининг суратларини Instagram’даги саҳифасига жойлаб, уларнинг 3 ёшга тўлгани билан табриклади.
Фото: Instagram / @rayhonganieva
Йигитали Мамажонов ҳам ўз табригини Instagram’даги саҳифасига жойлади.
Болажонларим менинг, таваллуд айёмларинг муборак бўлсин. Аллоҳ тан-у жонларингни соғ-саломат, қалбларингни иймонга тўла қилсин. Фарзандларимизнинг бахт-у камолини кўриш бу дунёдаги ҳар бир ота онага насиб қилсин!
Йигитали Мамажонов, актёр
Фото: Instagram / @alimamadzhanov
Маълумот учун, Райҳон ва Йигитали 2012 йилнинг 16 ноябрь куни турмуш қурган эди. Уларнинг эгизак ўғиллари 2014 йил 1 май куни дунёга келган.
Изоҳ (0)